2009 Հայ երիտասարդի տարի` Հայ երիտասարդը եւ ներկայ աշխարհի մարտահրաւէրները։
2009 Հայ երիտասարդի տարի` Հայ երիտասարդը եւ ներկայ աշխարհի մարտահրաւէրները։
Հայ
Եկեղեցւոյ Համալսարանական Ուսանողներու Միութիւնը վերջերս, ունեցաւ իր տարեկան համագումարը
ՙԹռչնոց Բոյն՚ին մէջ, Ճիպէյլ: Համագումարին մասնակցեցան 25 համալսարանական հայ երիտասարդ
երիտասարդուհիներ ընդհանուր թեմայ ունենալով՝ ՙՀայ երիտասարդը եւ ներկայ աշխարհի մարտահրաւէրները՚:
Օրուան դասախօսն էր Պրն. Վիգէն Աւագեան, որ ընդհանուր գիծերու մէջ ներկայացուց
նախ միջազգային բեմի վրայ երիտասարդութեան ունեցած դժուարութիւնները, ապա մասնաւորաբար
լիբանանահայ կեանքէն ներս հայ երիտասարդութեան ունեցած դժուարութիւնները՝ զանազան մարզերէ
ներս: Դասախօսութեան աւարտին տեղի ունեցաւ քննարկում, որու ընթացքին ՀԵՀՈՄ-ականներ իրենց
տեսակէտները արտայայտեցին իրենց երիտասարդական անմիջական միջավայրին մասին, եւ այս գծով
լուծումներ առաջարկեցին:
Համագումարի աւարտին խօսք առնելով, հոգեւոր խորհրդատու
Մեսրոպ Աբղ. Սարգիսեան, քաջալերական խօսքերով անոնց խօսեցաւ երիտասարդութեան կարեւոր
ներկայութեան մասին եկեղեցական եւ ազգային կեանքէն ներս, զիրենք նկատելով ազգին ապագայ
ղեկավարները: